Ran rasa wage

රන් රස වාගේ

රන් රස වාගේ ගැලපෙන්නේ

මා ප්‍රිය සොඳුරී පණ වැන්නේ

රන් රස වාගේ ගැලපෙන්නේ

මා ප්‍රිය සොඳුරී පණ වැන්නේ

මා හද විමනේ දැල්වෙන පහනේ

සැමදා වේවා ඔබ ආලෝකේ

රන් රස වාගේ ගැලපෙන්නේ

මා ප්‍රිය සොඳුරී පණ වැන්නේ

මා වෙහෙසීලා ගෙට එන විගසේ

ආදර බස් පවසන්නේ

මට සලකන්නේ රජෙකුට විලසේ

මගෙ දුක සැප විමසන්නේ

මා පණ විලසේ ඔබ රැකගන්නේ

නෑ කිසිදා දුක දෙන්නේ

රන් රස වාගේ ගැලපෙන්නේ...

මල් සර දෝණී පිදුවද සෙනෙහේ

මා නැත ඒ පිළිගන්නේ

මා ප්‍රිය සොඳුරී දෙන මදහාසේ

ඒ ළඳ නෑ මට දෙන්නේ

මේ ලෙස සසරේ ඔබමය සොඳුරේ

මගෙ සහකාරිය වන්නේ

රන් රස වාගේ ගැලපෙන්නේ...

ගායනය - සමන් ද සිල්වා

Singer – Saman de Silva

Samanalaya mala ha lamaya se

සමනළයා මල හා ළමයා සේ

සමනළයා මල හා ළමයා සේ

බාල ළමා වයසේ

පෙර තිදෙනා සිටියේ එක යායේ

ජීවිතයේ අරුමේ //

මලට වසා පැණි බී රිසි සේමා

සමනළයා පියැඹූ දවසේ //

ඒ මල ගාවා ඒ පොඩි ළමයා

දෑස වසා සිටියා

සමනළයා මල හා ළමයා සේ...

මලට නොවේ දැණුනේ දුක කාගේ

පොඩි ළමයෝ මොටදෝ හැඬුවේ //

ඒ මල නොදනී ඒ මල පරවී

සමනළයා කොතැනේ

සමනළයා මල හා ළමයා සේ

බාල ළමා වයසේ

පෙර තිදෙනා සිටියේ එක යායේ

ජීවිතයේ අරුමේ

ජීවිතයේ අරුමේ ////

ගායනය - එඩ්වඩ් ජයකොඩි

Singer – Edward Jayakody

Nihanda Kalpana

නිහඩ කල්පනා

නිහඩ කල්පනා ලොවක තනිවෙලා ඔබ හඬයි

කරන චෝදනා මොනවදෝ කියා නොම දැනෙයි

දැනෙන වේදනා තුරුණු මා සිතේ අපමණයි

අචල ආදරේ බැඳුණු ඔබ කෙරේ එලෙසමයි

ඉවත පාවෙලා යන්න සිතුණිදෝ මා කෙරෙන්

වෙන අයෙක් කෙරේ බැඳුණිදෝ ඔයා ආදරෙන්

සිහිනයක් ලෙසින් බොඳවෙලා නොයන් මා සිතෙන්

හිනැහිලා බලා සනසවන්න මා ඔය නෙතින්

අසරණයි මේමා වැරදි නෑ කළේ කිසි දිනේ

ඔබ සිතේ සමා දෙනු මැනේ ළඳේ පා සෙනේ

හදවතේ රැඳී වේදනා සුසුම් පා වුණේ

නැතිවදෝ අපේ සිත් එදා ලෙසින් යා වුණේ

ගායනය - එඩ්වඩ් ජයකොඩි

Singer – Edward Jayakody

Bindu bindu ran

බිංදු බිංදු රන්

බිංදු බිංදු රන් කෝමල මාලා

බන්දා ගෙල වට ඔමරි ලතාවට

කන්දෙන් පාවී...// ලංදට බසිනා

රන්වන් රන්වන් මගෙ රන් කිකිළි

රන් වන් රන් වන් රන් කිකිළි...//

හුරු නැති මලක ගොස් උගුලක වැටෙනු එපා

කළුවර ගලද්දී තනි මග ඇදෙනු එපා

සිරිකත මැවූ සිරි දෙනයන මකනු එපා

පිරිවර සොයා මා තනිකර යන්න එපා.....

කුණ්ඩ සමන් පෙති සුවඳ හලාලා

රන් හිරුරැස් කෙදි දෙරණ සිඹින විට

මන්දැයි තවමත්..// ලංදට නාවේ

රන්වන් රන්වන් මගෙ රන් කිකිළි

රන් වන් රන් වන් රන් කිකිළි...//

ගායනය - ඩබ්ලිව්. ඩී. අමරදේව

Singer – W.D. Amaradewa

Sadakalika nou loke

සදා කාලික නොවූ ලෝකේ

සදා කාලික නොවූ ලෝකේ.. සදා කාලික ප්‍රේමයක්,

සොයා නෙක ගම් දනවු පීරා.. ගෙවූ කාලය සිහිනයක්

මගේ දුක දැක ඔබේ දෙනයන උපන් කඳුලින් සේදිලා….

ඔබේ වත නොව ඔබේ හදවත පුරා සඳ සේ පෑදිලා…..

සදා කාලික නොවූ ලෝකේ.. සදා කාලික ප්‍රේමයක්,

සොයා නෙක ගම් දනවු පීරා.. ගෙවූ කාලය සිහිනයක් ……

සදාකාලික නොවූ ලෝකයෙ සදා කෙලෙසද පෙම් බඳින්නෙ..

ගායනය - සුනිල් එදිරිසිංහ

Singer – Sunil Edirisinge

Piyaman keruwemu

පියමං කෙරුවෙමු

පියමං කෙරුවෙමු මහ වෙල් මැද්දෙන්….

පෙම්බස් දෙඩුවෙමු උයන් කොනෙක හිද……

ශිල්ප උගත්තෙමු ණැනලැබ ගත්තෙමු……

දෙපාවාරු නැත ඔබ හැර යන්නට…..//

නිල් තණ පලසෙහි ගැටුන දෙපාවයි…….

කෝල හැගුම් කෙළි කවට සිනාවයි…..//

මල් නැටුමයි කළ ගෙඩි නැටුමයි……

මගේ දෑස තුල යළිත් ඇදේවිද……..//

පියමං කෙරුවෙමු මහ වෙල් මැද්දෙන්…..

පෙම් බස් දෙඩුවෙම් උයන් කොණෙක හිද……//

ශිල්ප උගත්තෙමු ණැන ලැබ ගත්තෙමු……

දෙපා වාරු නැත ඔබ හැර යන්නට…….//

නෙත කදුළින් හසකැනින් මුවා කල…..

සොදුරු පැතුම් පුරවා මන මත් කල…..//

මගෙ කෙළිලොල් විය ගෙවුනු වගයි…..

මා හැදු පාසල් මවුනි දයාදර……//

පියමං කෙරුවෙමු මහ වෙල් මැද්දෙන්……

පෙම් බස් දෙඩුවෙමු උයන් කොනෙක හිද……..

ශිල්ප උගත්තෙමු ණැන ලැබ ගත්තෙමු…….

දෙපා වාරු නැත ඔබ හැර යන්නට……//

ගායනය - සෝමතිලක ජයමහ සහ නීලා වික්‍රමසිංහ

Singer – Somathilaka jayamaha & Neela wicramasinge

Ma prarthana

මා ප‍්‍රාර්ථනා

මා ප‍්‍රාර්ථනා ආශාවෝ

ආරාධනා ඇසුනාදෝ

පෙර ආත්මයේ පැතුවාදෝ

මේ ආත්මයේ හමුවී දෝ

දිලි දිලි දිලි දෙනෙතේ නුරා කැන් දිලේ

සැලි සැලි සැලි දෙතොලේ සිනාකැන් සැලේ

රැඳි රැඳි රැඳි තුරුලේ වෙලී පෙම් බඳේ

බැඳි බැඳි බැඳි වැසෙමී සදාකල් ප‍්‍රියේ

මනහාරී වනරේඛා යායේ පාවේ

මධුලෝලී බිඟු දෑලේ පෙම් ගී රාවේ

මා ප‍්‍රාර්ථනා ආශාවෝ

පෙණ රැලි රැලි විහිදී පැතුම් සාගරේ

දිය සුළි සුළි කැරකී හැඟුම් යා කෙරේ

රස සිතුවිලි අතරේ සුපෙම් මාවතේ

ඔබ අතගෙන ගෙවමී යොවුන් ජීවිතේ

රසකාමී අනුරාගී වූ පෙම් ලෝකේ

මධුරාවී ඔබ මාගේ මේ සංසාරේ

මා ප‍්‍රාර්ථනා ආශාවෝ

ගායනය - එච්.ආර් ජෝතිපාල සහ ඇන්ජලීන් ගුණතිලක

Singer – H.R. Jothipala and Anjaleen Gunathilaka